Monday, February 28, 2011

المصريين - والسفارات المصرية - واحمد ابوالغيط - شهادة للتاريخ

عنوان هذه التدوينة هو اللنك الى مدونة الاغلبية الصامتة

صاحب المدونة كتب يقول

كنت هناك فى ليبيا تجربة شخصية

تدوينة تستحق ان تقراء وشهادة على تدنى السفارات المصرية فى الخارج

حتى فى ظروف الحياة والموت

شهادة اضيف اليها شهادتى فى التعامل مع القنصلية المصرية

فى نيويورك وفى هيوستن تكساس وفى العاصمة الامريكية

الكل سواء فى تقديم اسوء واقذر معاملة للمواطن المصرى

سواء المصرى الحى او المصرى المتوفى

لقد ان الاوان للتخلص من هؤلاء وعلى راسهم وزير الخارجية احمد ابو الغيط

Friday, February 11, 2011

ازاى - كلمات نصر الدين ناجى - الحان احمد فرحات - غناء محمد منير

ازاى ترضيلى حبيبتى
اتمعشق فى اسمك وانتى
عمالة تزيدى فى حيرتى
ومنتش حاسة بطبتى ازاى
مش لاقى فى عشقك دافع
ولاصدقى فى حبك شافع
ازاى انا رافع راسك
وانت نتحنى فى راسى ازاى
انا اقدم شارع فيكى
وامالك من اللى ما ليكى
انا طفل اتعلق بيكى
فى نص السكة وتوهتيه
انا لو عشقك متخير
كان قلبى زمانه اتغير
وحياتك لفضل اغير فيكى لحد ماترضى عليه
ازاى سيبانى فى ضعفى
طيب ليه مش واقفة فى صفى
انا عشت حياتى بحالها علشان ملمحش فى عينك خوف
وفى بحرك ولا فى برك
ازاى احميلك ضهرك
وانا ضهرى فى اخر الليل دايما بيبات محنى ومكشوف
--------------
لك يامصر السلامة وسلاما يابلادى
ان رمى الدهر سهاما اتقيها بفؤادى
واسلمى فى كل حين
-------------
ومصرنا فوق الجميع
الحمد لله الذى امد فى عمرى كى ارى
ان الثورة الحقيقية فى مصر قام بها الشباب المتعلم
القادر مديا ولم تكن ثورة جياع
كما كان يظن البعض
انها ثورة شعب حماها الجيش
وليست انقلاب عسكرى ايده الشعب
الجمعة 11 فبراير 2011

مصر اليوم ردت اليها كرامتها

الف مبروك لمصر
سقط نظام حسنى مبارك بفضل شباب مصر
وشكرا لشباب مصر اللى رفع رصنا
وشكرا لشهداء ثورة 25 يناير 2011 اللى دفعوا حياتهم علشان كلنا نتحرر
وعزائى لكل اسرة فقدت شهيد
والف شكر للجيش المصرى على موقفه المشرف
ونرجو من الجيش الا يظل فى الحكم
تحيا مصر ومصر فوق الجميع
ياكسوف عمر سليمان

Tuesday, February 08, 2011

وائل غنيم ...شكرا 80 مليون مرة

حديث وائل غنيم على قناة دريم مع الاعلامية منى الشاذلى يوم الاثنين 7 فبراير 2011 رفع راسى وراس 80 مليون مصرى
السيد الرئيس حسنى مبارك انا متاكد انك شفت الحديث ولابد انك خجلت من نفسك ومن نظامك ومن الملتفين حولك لقد تسبب من حولك فى احراجك امام العالم وكره الشعب لك - اظن انك تمنيت ان يكون وائل هو الابن وليس جمال الذى ساهم هو والسيدة حرمك فى الوضع السئ الذى انت فيه الان
وائل غنيم 80 مليون شكرا بعدد المصريين اللى انت رفعت راسهم

Monday, February 07, 2011

خطاب مفتوح للسيد الرئيس

السيد الرئيس حسنى مبارك بصفتك راس نظام الحكم فى مصر فانت المسؤل عن كل ماارتكب فى حق الشعب المصرى خاصة لما حدث لشباب ثورة 25 يناير 2011 - لقد تلوثت يداك انت وكل المحيطين بك بدماء 400 شهيد فى ميدان التحرير - الشعب المصرى كله وقف الى جانبك فى وفاة حفيدك دون ان يشمت فيك مصرى واحد - الشعب المصرى كله وقف الى جانبك وانت مريض مرتين فى المانيا مرة فى عملية الغضروف ( والله اعلم ) ومرة فى عملية السرطان ( اسف عملية المرارة)- سيادة الرئيس كل ما قدمت لمصر مهما عظم اصبح الان هباء ليس له قيمة بعد ان تلوثت يداك بدماء 400 شهيد من ابناء مصر - وسيبكم من موضوع الضربة الجوية لقد استشهد الطيار عاطف السادات الشقيق الاصغر للرئيس السادات ولم يتشدق السادات بانه فقد شقيقه فى تلك الحرب - لم يبقى امامك سوى الرحيل - ويجب عليك قبل الرحيل ان تعتذر لاسر الشهداء ولشعب مصر فقد منحك الشعب المصرى ما لم تكن تحلم به وكفى ما نشر عن انك واسرتك تملكون ما قيمته 70 بليون دولار وتترك الحكم واربعين بالمائة من الشعب المصرى يعيشون تحت خط الفقر بدخل شهرى فى حددود 200 جنيه (مايوازى 35 دولار امريكى ) وكيلو اللحم الواحد يشترى ب 80 جنيه

Monday, January 24, 2011

الدولة بتتكلم ارضى! دكتور مأمون فندى

اللنك المرفق لمقالة شيقة للدكتور مأمون فندى نشرت فى جريدة الشرق الاوسط العدد 11745 بتاريخ الاثنين 24 يناير 2011


http://www.aawsat.com/leader.asp?section=3&issueno=11745&article=605172


وللقرائة كلك على العنوان او الوصلة


مع تحياتى

Friday, December 03, 2010

على راى المثل

مثلنا الشعبى المصرى بيقول ... الفقى لما يسعد يجيلو للتين فى ليلة... والفقى لقب يطلق على قارئ القران الكريم الذى يرضى بالقليل اذا قراء فى ماتم او على المقابر وقبل زمن انتشار الراديو كان الفقى يقراء فى المنازل نظير اجر زهيد كل شهر وبطبيعة الحال كان يسعدة ان يطلبه احد من الناس للقراءة فما بالك اذا طلب للقراءة فى مكانين فى نفس الليلة
.
خلال هذا الاسبوع كنت انا الفقى لانى حضرت عرض فيلمين مش فيلم واحد الاول كان ابن القنصل والثانى كان زهايمر والملفت للنظر ان الفيلمين من اخراج مخرج واحد اسمه عمرو عرفة -- لا ادعى اى سابق معرفة بالنقد السينمائى لكن عمرو عرفة استطاع ان يجعلنى استمتع بتمثيل عادل امام وابعد عادل امام عن اسفافه المعهود فى افلام كتيرة سابقة - ذلك الاسفاف الذى اصبح لايتناسب مع سنه ولا مع عمره الفنى الطويل - فقدم عادل الامام فى زهايمر عمل جيد - اثر فى كثيرا المشهد الرائع لعادل امام مع زميل مشواره الفنى سعيد صالح حينما زار عادل امام فى الفيلم صديقة القديم سعيد صالح المصاب بمرض الزهايمر فى دار المسنين
.
اما فيلم ابن القنصل فقد قام فيه خالد صالح بدور ممتع اظهر فيه قدراته الفنية خاصة انه قام فى الفيلم بتمثل رجل خرج من السجن بعد ان امضى مدة عقوبة بلغت تلاتين سنة وبالتالى اصبح سنه فوق الستين سنة وارتباطه بالقيم صفر
.
. وحتى لا افسد متعة المشاهدة على من يرغب فيها اكتفى بهذا التنويه
.
بس بصراحة متابعة انتخابات مجلس الشعب المصرى لعام 2010 كانت كوميديا الموسم واكتر متعة من اى فيلم

Saturday, November 06, 2010

حلو الكلام

يااللى انت عايش حياة بص الها تلقاها
سبحة هنا وتنفرط بالعمر مانشوفهاش
ولاشئ يعطر حياتنا يمد فى مداها
غير سيرة عاشت هنا اكتر صاحبها ما عاش
.
كلمات فؤاد حجاج
من مسلسل
حديث الصباح والمساء